1 сентябрҙә ишектәрен асасаҡ

Башҡортостан Хөкүмәте Премьер-министры Учалыла 9-сы яңы полилингваль күп профилле мәктәптә булды. Яңы мәктәп 1 сентябрҙә үҙ ишектәрен аса. Объект “Мәғариф” милли проекты һәм “Заманса мәктәп” төбәк проекты сиктәрендә төҙөлдө.

Майҙаны 18,3 мең квадрат метрлыҡ белем биреү учреждениеһы 1225 урынға иҫәпләнгән. Штатты комплектлау буйынса эш тамамлана, китапхана фонды ойошторолған. Башланғыс дөйөм белем биреү программаһын тормошҡа ашырыу буйынса мәғариф эшмәкәрлеген тормошҡа ашырыуға санитар-эпидемиологик һығымта һәм лицензия алынған.

Дүрт ҡатлы бинала йыйылыштар залы һәм ашхана бар. Бынан тыш, бында ике спорт залы бар, ул бер үк ваҡытта башланғыс һәм өлкән кластарҙа дәрестәр үткәрергә мөмкинлек бирәсәк. Шулай уҡ инвентарь һаҡлау өсөн бүлмәләр, кейенеү, душ бүлмәләре, тренерҙар бүлмәһе һәм саңғы һаҡлау урыны ҡаралған.

– Заманса кластар һәм ҡорамалдар менән бик яҡшы, матур мәктәп килеп сыҡҡан. Башҡортостандың Мәғариф һәм фән министрлығына проект-смета документтарын үтәүҙе контролгә алырға ҡушам, – тине Башҡортостан Республикаһы Хөкүмәте Премьер-министры Андрей Назаров.

Билдәле булыуынса, "Мәғариф" (национальный проект “Образование”) милли проекты Рәсәй Президенты Владимир Путиндың май указы менән булдырылды.

Фото: Төҙөлөш һәм архитектура министрлығы.