Бөтә яңылыҡтар

Йәштәрҙе лабораторияға саҡыралар

Башҡортостанда йәштәрҙең ғилми лабораторияларын булдырыу планлаштырыла. Был ғилми үҙәктәр “Фән” милли проектын тормошҡа ашырыуға ярашлы булдырыла. 

Йәштәрҙе лабораторияға саҡыралар

Башҡортостанда йәштәрҙең ғилми лабораторияларын булдырыу планлаштырыла. Был ғилми үҙәктәр Рәсәй Президенты Владимир Путиндың май указдары тарафынан билдәләнгән “Фән” милли проектын тормошҡа ашырыуға ярашлы булдырыла.

 

Ошо турала күптән түгел Башҡортостан Башлығы Хакимиәте етәксеһе Александр Сидякин “Фән сәғәте” форматында үткәргән кәңәшмәлә лә әйтте. Башҡортостан Башлығының фән буйынса кәңәшсеһе Руслан Ҡазыханов хәбәр итеүенсә, республиканың юғары уҡыу йорттары, Рәсәй Фәндәр академияһының Өфө федераль тикшеренеүҙәр үҙәге институттары Рәсәйҙең фән һәм юғары белем министрлығына ошондай йәштәр үҙәктәре асыуға һигеҙ ғариза биргән дә инде.

 

“2021-2023 йылдарға илдең юғары уҡыу йорттарындағы йәштәр лабораторияларын финанслауға йыллыҡ сығымдар 1,8 миллиард һум тәшкил итәсәк, шуға күрә һәр үҙаллы лаборатория йыл һайын 15-18 миллион һумлыҡ грант алыуға иҫәп тота ала”, – тине Руслан Ҡазыханов.

 

Йәштәр лаобораторияһы асыу өсөн мотлаҡ шарт - проектта йәш аспиранттарҙың һәм өлкән курс студенттарының ҡатнашыуы.

 

Фото: yandex.ru.

#ВладимирПутин

#национальныепроекты#нацпроекты
#региональныепроекты#регпроекты#нацпроектыБашкортостан

Автор:Рәшит Кәлимуллин
Йәштәрҙе лабораторияға саҡыралар
Автор: