Яңы сквер ҡалҡып сығасаҡ

Хакимиәттең капиталь төҙөтөш идараһы Октябрь районына ҡараған 130-сы һанлы мәктәп биләмәһен төҙөкләндереүгә аукцион иғлан итте.

Сипайлово биҫтәһенең был урынында яңы сквер ҡалҡып сығасаҡ. Әлегә шартлы исеме – “Ҡоштар”. Башланғыс хаҡы – 79,49 миллион һум. Сығымдар Башҡортостан һәм Өфө бюджетынан алына.

“Сипайлово-2 биҫтәһендәге биләмә ташландыҡ буш урындан йәш быуын өсөн ижади биләмәгә әүерелергә тейеш. Бында 4-8 йәшлек балаларға, уларҙан өлкәнерәктәргә лә тәғәйенләнгән ике балалар майҙансығы, спорт майҙансыҡтары, амфитеатр менән сәхнә, уҡыу һәм китаптар менән алмашыу өсөн буккроссинг урыны, ғәҙәти булмаған уйын элементтары һәм арт-объекттар булдырыласаҡ”, - ти Өфө ҡалаһы хакимиәте башлығы урынбаҫары Радмил Мөслимов.

Проект ил Президенты Владимир Путиндың май указдары менән раҫланған “Торлаҡ һәм ҡала мөхите” милли проекты сиктәрендә бойомға ашырыла.

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото: Өфө ҡала хакимиәте сайтынан