Бармыштағы быуаға – яңы һулыш

Тәтешле районында Бармыш йылғаһында булдырылған быуаны төҙөкләндерәләр. Эш Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының “Уңайлы ҡала мөхите булдырыу” федераль программаһына ярашлы башҡарыла.

Проектта юлды, автомобилдәр туҡталҡаһын, шулай уҡ быуаның периметры буйынса тротуарҙы тәртипкә килтереү күҙаллана. Эште быйыл октябрҙә тамамлау планлаштырыла.

Бынан тыш, киләһе йыл “Тәтешле районының Үрге Тәтешле ауылындағы Бармыш йылғаһындағы быуының пляж зонаһын төҙөкләндереү” проекты тормошҡа ашырыла. Ул пляжды, катамарандар өсөн причалды, балалар һәм спорт майҙансыҡтарын, сауҙа киоскыларын, беседкаларҙы, фонтанды һәм янғын һүндереү машинаһы өсөн пирсты реконструкциялауҙы күҙ уңында тота.

Фото: house.bashkortostan.ru