-5 °С
Ҡар
Бөтә яңылыҡтар
Милли проекттар
19 Июль 2020, 23:46
“Ҡандракүл” тәбиғәт паркында сүп-сар проблемаһы юҡ
#национальныепроекты#нацпроекты#региональныепроекты#регпроекты#нацпроектыБашкортостан
“Ҡандракүл” тәбиғәт паркында ҡаты коммуналь ҡалдыҡтар менән эш итеү камиллаштырыла.
Йыл һайын бында бихисап кеше ял итергә килә. Бөгөн парк биләмәһендә тәбиғәт байлыҡтарын һаҡлау, күбәйтеү өсөн заманса шарттар булдырыла.
Хеҙмәткәрҙәр көн һайын ял итеү өсөн уңайлыҡтарҙы арттырырға тырыша. Биләмәне таҙа тоталар, даими тәртип урынлаштырырға тырышалар. “Экология Т” яуаплылығы сикләнгән йәмғиәте – төбәк операторы – сүп-сарҙы ташый.
Ошо көндәрҙә “Ҡандракүл” тәбиғәт паркына өҫтәмә 30 заманса евроконтейнер урынлаштырҙылар. Һәр береһенең күләме – 1,1 кубометр.
"Көндәр эҫеләнеү менән ял итеүселәр күпкә артты. Һөҙөмтәлә сүп-сар ҙа күбәйҙе. Әммә был мәсьәлә хәҙер тиҙ хәл ителә. Бөгөн биләмәлә ҡыйҙы йыйыу һәм сығарыу өсөн алты бункер, 50 евроконтейнер ҡуйылған", – ти республиканың тәбиғәттән файҙаланыу һәм экология министры урынбаҫары Рим Миңләхмәтов.
Әйткәндәй, был контейнерҙар уңайлы ҡапҡастар менән тәьмин ителгән. Улар тулыһынса йәки яртылаш асыла. Өҫтәүенә һауа торошо һәм тәбиғәт шарттары үҙгәрештәренә бирешмәйҙәр. Бынан тыш, файҙаланғандан һуң ҡапҡастарҙы ҡайтанан эшкәртеүгә ебәрергә мөмкин.
Паркка ял итергә килгәндәр ҙә хеҙмәткәрҙәрҙең тырышлығын баһалай. Билдәле булыуынса, айырым һаҡланған тәбиғәт биләмәләрен төрлө яҡлап ҡурсалау – ил Президенты Владимир Путиндың май указдарына ярашлы барлыҡҡа килгән “Экология” милли проекты маҡсаттарының береһе.
Фото: республиканың Тәбиғәттән файҙаланыу һәм экология министрлығы.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)