Һөт кухнялары ял итмәй

#национальныепроекты; #нацпроекты; #региональныепроекты; #регпроекты; #нацпроектыБашкортостан

Республикабыҙҙа иғлан ителгән ял көндәрендә лә һөт кухняларының эше дауам итәсәк. Етештереү цехтары, автолавкалар һәм таратыу пункттары ғәҙәттәге режим буйынса эшләй. Был хаҡта «Һөт кухняһы»ның директоры Эльдар Сәйғәфәров «Башинформ» мәғлүмәт агентлығында үткән матбуғат конференцияһында белдерҙе.

Әлеге мәлдә республикабыҙҙа һөт ризыҡтарын 25 мең 500 кеше ала. Шуларҙың 17 мең 590-ны – балалар, 456-һы – ауырлы ҡатындар һәм бала имеҙеүсе әсәйҙәр. 2019 йылдан башлап Башҡортостанда алты цех эшләй. Улар Стәрлетамаҡ, Октябрьский, Нефтекама, Белорет, Сибай, Өфө ҡалаларында урынлашҡан. Унан тыш, һөт һәм ҡоро продукцияларҙы таратыу пункттары ла булдырылған.

– Һөт кухнялары эшен дауам итәсәк. Ризыҡтар элеккесә таратыу пункттарына килтереләсәк. Кемдәрҙер вирус йоҡтороуҙан ҡурҡа икән, телефондан шылтыратып, үҙенең шәхси мәғлүмәттәрен еткереп, килтереүҙе 10 көнгә туҡтатып тора ала, – тине Эльдар Сәйғәфәров.

Республикабыҙҙа һөт ризыҡтарын 3 йәшкә тиклемге балалар, йөклө ҡатындар, бала имеҙеүсе әсәйҙәр ала. Уларҙы бушлай тәьмин итеү «Демография» милли проекты сиктәрендә алып барыла.

Автор: Гөлназ Шәйхетдинова

Читайте нас:

© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)