Бөтә яңылыҡтар
Милли проекттар
24 Март 2020, 11:09

Өс инвестпроект ҡаралды

#ВладимирПутин#национальныепроекты#нацпроекты#региональныепроекты#регпроекты#нацпроектыБашкортостан

“Бәләкәй һәм урта эшҡыуарлыҡ һәм шәхси эшҡыуарлыҡ башланғыстарын яҡлау” милли проекты нигеҙендә республикабыҙҙа “Йүнселлек эшмәкәрлеген алып барыу шарттарын яҡшыртыу” төбәк проекты уңышлы тормошҡа ашырыла.
Урындарҙа үҙ кәсебен йәйелдергәндәргә төрлө яҡлап булышлыҡ итеү менән бер рәттән, район-ҡала хакимиәттәрендә “Эшҡыуарлыҡ сәғәте” үткәреү ҙә ыңғай һөҙөмтә бирә. Ошо көндәрҙә Белорет районы хакимиәтендә уҙғарылған “Эшҡыуарлыҡ сәғәте”ндә өс инвестиция проекты ҡаралды.
Беренсе инвестпроект металл прокатын күмәртәләп һатыуҙы күҙ уңында тота. Киләсәктә инвестор продукцияны һатыу буйынса капиталь төҙөлөш объекты – терминал булдырырға ниәтләй. Икенсе инвестор Белорет районында экотуризмды үҫтерергә, өсөнсө ҡатнашыусы балыҡ үрсетергә күҙаллай.
Кәңәшмәлә беренсе проект тулыһынса ҡеүәтләнде, инвесторға 3 йылға ҡуртымға ер участкаһы биреләсәк. Ҡалған инвесторҙарға мәғлүмәт-консультация ярҙамы күрһәтелде.
Фото: Белорет районы хакимиәте сайтынан.
Автор: Римма Султанова
Читайте нас в