Ғаиләнең ныҡлы терәге буласаҡ

Сара “Демография” милли проекты бурыстарына ярашлы тормошҡа ашырылды.

Көндөҙ эшләйәсәк был төркөмдә балаларҙы үҫтереү һәм коррекция йүнәлешендә яңы хеҙмәт күрһәтеү ҡаралған. Сарала бик күп балалар, ата-әсәләр ҡатнашты.

“Коррекция-үҫтереү эшенең төп маҡсаты – баланы үҫтереүгә булышлыҡ итеү, уның эске мөмкинлектәрен асыу өсөн шарттар тыуҙырыу, уҡыуҙа һәм мөхиткә яраҡлашыуҙа тыуған ауырлыҡтарҙы еңеп сығыуҙа ярҙам итеү, ата-әсәләрҙең компетенцияһын күтәреүгә, балалары менән матур мөнәсәбәттә йәшәүгә булышлыҡ итеү.

“Коррекция-үҫеш эше балаларға, үҫмерҙәргә һәм уларҙың ғаиләләренә ярҙам булыр, уларҙы үҫтереү майҙансығына әйләнер”, – тип белдерҙе "Ғаилә" район-ара үҙәге директоры Миләүшә Мырҙағәлина.

Хәҙер был төркөмгә балаһының бөтөн яҡлап камиллашыуын теләгән һәр ғаилә мөрәжәғәт итә ала, ниндәй социаль статуста һәм матди хәлдә булыуына ҡарамаҫтан. Белгестәр балаларға психологик, социаль-педагогик һәм социаль-психологик реабилитация, коррекция, физкультура-һауыҡтырыу ярҙамы күрһәтәсәк. Был эштә ата-әсә лә ҡатышып, үҙенең компетентлығын арттырасаҡ.

Әйткәндәй, әле Шишмә районында 181 инвалид, үҫешендә тайпылыу булған, уҡыуҙа ауырлыҡтар кисергән 400-ҙән ашыу бала йәшәй. Уларға ярҙам итерҙәй төркөмдөң асылыуы бик урынлы. Бында балаларына ярҙам алырға теләгәндәргә урынға килеп, ғариза тапшырырға кәрәк буласаҡ.

Автор фотолары.

Автор: Рәмилә Мусина