Ҡан баҫымы борсоһа...

Ҡан баҫымын яйға һалыу, гипертония ҡурҡынысын кәметеүҙең иң еңел ысулы – йәйәү йөрөү.

Бер ай дауамында иртән һәм кис 15-әр минут әкрен генә йөрөп ҡайтығыҙ. Был уртаса бер километр тигән һүҙ. Унан араны – 1,5 километрға, ике аҙнанан 2 километрға арттырырға кәрәк. Өс айҙан 3 – 3,5 километрҙы ла еңел уҙасаҡһығыҙ. Шуныһы мөһим – ашыҡмағыҙ, тигеҙ урындан атлап йөрөгөҙ.

Әйткәндәй, республикала “Һаулыҡ һаҡлау”ҙың ете төбәк проекты тормошҡа ашырыла. Ул хеҙмәткә һәләтле халыҡ араһында үлем осраҡтарын кәметеүҙе, беренсе медик-санитар ярҙам күрһәткән медицина ойошмаларында белгестәргә ҡытлыҡты яйға һалыуҙы, граждандарға кәмендә йылына бер тапҡыр медицина тикшереүе үткәреүҙе һ.б. тәүмаҡсат итеп ҡуя.

2019 – 2024 йылдарҙа Рәсәйҙә был милли проектты тормошҡа ашырыу өсөн 1,7 триллион һумдан ашыу сығым бүлеү планлаштырыла.

Фото: vologda-oblast.ru