+9 °С
Ясно
Милли проекттар
16 Января 2020, 06:12
Ҡайһы ғаиләләр 250 мең һум аҡса аласаҡ?
#национальныепроекты; #нацпроекты; #региональныепроекты; #регпроекты; #нацпроектыБашкортостан#ВладимирПутин
Башҡортостан Дәүләт Йыйылышы – Ҡоролтайҙың матбуғат хеҙмәтенән хәбәр итеүҙәренсә, республикала бушлай ер алыуға хоҡуҡлы күп балалы, инвалид бала тәрбиәләүсе ғаиләләр ер урынына бер тапҡыр бирелеүсе 250 мең һум күләмендә аҡса аласаҡ.
Был үҙгәрештәр “Башҡортостан Республикаһында ер мөнәсәбәттәрен көйләү тураһында”ғы законға индерелгән. Компенсация кешеләрҙең ризалығы менән генә биреләсәк. Һәр ғаилә үҙе һайлаясаҡ - ерме, аҡсамы.
Парламент Рәйесе Константин Толкачев әйтеүенсә, аҡсалата түләү ғаиләләр өсөн яңы мөмкинлектәр аса. "Демография" милли проектын тормошҡа ашырыуҙа уның тәьҫирле булыуы ихтимал.
Фото:Bash.news
Автор: Дина Арсланова
