БӨРЙӘНДӘ ҠЫУАНЫСЛЫ ВАҠИҒА БУЛДЫ

#национальныепроекты #нацпроекты #региональныепроекты #регпроекты#нацпроектыБашкортостан

"Һаулыҡ һаҡлау" милли проекты бурыстарына ярашлы, ошо көндәрҙә Бөрйән районы халҡы өсөн бик тә ҡыуаныслы ваҡиға булған: Нәби һәм Яуымбай ауылдарында яңы фельдшер-акушерлыҡ пункттары асылған. Был хаҡта республиканың Һаулыҡ һаҡлау министрлығы хәбәр итә. ФАП-тар барлыҡ заман талаптарына яуап бирә, тейешле ҡорамалдар, йыһаздар менән тәьмин ителгән. Үҙ сиратында был урындағы халыҡҡа ваҡытлы һәм сифатлы беренсел медицина ярҙамын күрһәтеүгә булышлыҡ итәсәк, шул уҡ ваҡытта ауылдарҙағы медицина хеҙмәткәрҙәренең хеҙмәт шарттарын яҡшыртасаҡ.

Нәби һәм Яуымбай ауылдарында быға тиклем эшләгән фельдшер-акушерлыҡ пункттарында һыу һәм канализация үткәрелмәгән булған, биналарҙы мейескә утын яғып йылытҡандар. Хәҙер иһә барлыҡ уңайлыҡтар ҙа бар. Яңы ФАП-тарҙа 900-гә яҡын кеше хеҙмәтләндереләсәк, шул иҫәптән 28 бала.
Халыҡ мәнфәғәтендә башҡарылған был эш, алда әйтелгәнсә, “Һаулыҡ һаҡлау” милли проектына ярашлы тормошҡа ашырылған. Милли проект хеҙмәткә һәләтле халыҡ араһында үлем осраҡтарын кәметеүҙе, кешеләрҙең сәләмәтлеген нығытыуҙы, медицина ойошмаларында белгестәргә ҡытлыҡты бөтөрөүҙе, граждандарға кәмендә йылына бер тапҡыр диспансерлаштырыу үткәреүҙе һәм башҡа ғәмәлдәрҙе маҡсат итеп ҡуя.

"Башҡортостан" гәзите.

Читайте нас:

© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм "Республика Башкортостан" нәшриәт йорто акционерҙар йәмғиәте.

Об использовании персональных данных

Телефон

8(34771) 2-18-50

Электрон почта

yantiyak@yandex.ru

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)