Бөтә яңылыҡтар
Милли проекттар
22 Август 2019, 10:47

Милли проект: төпкөлгә сканер барып етерме?

#национальныепроекты#нацпроекты #региональныепроекты#регпроекты #нацпроектыБашкортостанБыйылдан Башҡортостанда “Һаулыҡ һаҡлау” милли проектына ингән һигеҙ федераль проект тормошҡа ашырыла. Шуларҙың береһе “Йөрәк-ҡан тамырҙары ауырыуҙарына ҡаршы көрәш” төбәк программаһына ярашлы, Өфөнөң 13-сө дауаханаһы ике өр-яңы портатив ультратауыш аппараты алды.

Дауахананың баш табибы Эльза Сыртланова әйтеүенсә, универсаль сканер сирле кешене урынынан ҡуҙғатмайынса ультратауыш тикшереүе үткәреү мөмкинлеген бирә. Аппарат ярҙамында эске ағзаларҙы ҡарарға, эхокардиография яһарға, ҡан тамырҙарын сканерларға була. Яңы технология ауыр хәлле пациенттарҙы ентекле тикшерергә ярҙам итә. Сканерҙы төпкөл ауылдарҙа, табиптарҙың күсмә эшендә лә ҡулланырға мөмкин.


Фото: дауахананың “Бәйләнештә” селтәрендәге сәхифәһенән.

Автор: Лилиә Дәүләтбәкова
Читайте нас в