ХАЛЫҠ-АРА БАЛАЛАР УЙЫНДАРЫНДА ӨФӨ КОМАНДАҺЫ I УРЫН ЯУЛАНЫ

#нацпроекты;

#региональныепроекты;

#регпроекты;

#нацпроектыБашкортостан;

Бөгөн Өфөлә 53-сө Халыҡ-ара балалар уйындары тамамлана. Өфө-аренала был мәртәбәле сара һөҙөмтәләре буйынса пресс-конференция үтте.

Ярышта туғыҙ спорт төрө буйынса. 88 комплект миҙал уйнатылды. Баш ҡалабыҙға барыһы 29 илдән 1192 йәш спортсы килде. Улар бер юлы 9 дисциплинала: фехтование, еңел атлетика, грек-рим көрәше, йөҙөү, яр буйында волейб,ол, баскетбол, футбол, дзюдо, ҡаяға үрмәләүҙә көс һынашты. Донъя кимәлендәге ярышта Өфө командаһы беренсе урын яуланы, 25 миҙалға (8 алтын, 6 көмөш, 11 бронза) лайыҡ булды.

Ярыштар 12-13 июлдә биш спорт майзандарында - Өфөнөң Дуҫлыҡ проспектындағы спорт әҙерлеге үҙәгендә, «Ватан» этнопаркында, «Ҡашкаҙан» ял итеү паркында, 32-се спорт мәктәбе базаһында һәм «Нефтселәр» стадионында үтте.

Өфө ҡалаһы башлығы Өлфәт Мостафин Халыҡ-ара балалар уйындарында еңгән йәш спортсылар киләсәктә Олимпиада уйындарында ла лайыҡлы сығыш яһар тип белдерҙе.

https://shonkar.rbsmi.ru/news/khaly-ara-balalar-uyyndarynda-f-komanda-y-i-uryn-yaulany/