+10 °С
Болотло
Бөтә яңылыҡтар
Демография
25 Март 2021, 12:23
Башҡортостанда өсөнсө һәм артабанғы балалар күберәк тыуа башлаған
Былтыр 2015 йылдан тәүге тапҡыр Башҡортостанда тыуымдың дөйөм коэффициенты үҫеше теркәлгән, тип хәбәр иттеләр республика Ғаилә, хеҙмәт һәм халыҡты социаль яҡлау министрлығының матбуғат хеҙмәтенән.
Статистика күрһәтеүенсә, Башҡортостанда илдең (1,505) һәм Волга буйы федераль округының (1,437) дөйөм күрһәткесе менән сағыштырғанда тыуымдың дөйөм коэффициентының күпкә юғарыраҡ кимәле һаҡлана.
«Росстаттың яҡынса мәғлүмәттәре буйынса, 2020 йылда Башҡортостан буйынса күрһәткес 15-49 йәшлек бер ҡатын-ҡыҙға 1,525 тәшкил иткән. Был 2019 йылдағы кимәлдән 0,9 процентҡа юғарыраҡ. Республика күрһәткестең үҫеш темпы буйынса Волга буйы фекераль округы төбәктәре араһында Марий Элдан һәм Удмурт Республикаһынан ҡала өс лидер иҫәбенә инде», — тип белдерҙеләр Хеҙмәт министрлығында.
Күрһәткестең артыуы ғаиләләрҙә өсөнсө һәм артабанғы булып донъяға килгән сабыйҙарҙың күбәйеүе менән бәйле. Быға 2020-2024 йылдарға ҡабул ителгән тыуымды арттырыу буйынса «юл карта»һы булышлыҡ итте, тип билдәләнеләр ведомствола.
2020 йылда 11 844 сабый тыуған. Улар өсөнсө һәм артабанғы бала булып донъяға килгән. Был 2019 йылға ҡарағанда 979 балаға йәки 9 процентҡа күберәк.
Фото: Валерий Шахов
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)