Тәтешле район Мәҙәниәт һарайында “Өлгөлө башҡорт ғаиләһе-2023” республика конкурсының төбәк этабы үтте. Унда Асҡын, Бөрө, Борай, Ҡариҙел, Кушнаренко, Нуриман, Мишкә, Благовещен, Тәтешле райондарынан 18 ғаилә ҡатнаша. Жюри ағзалары ғаиләләрҙең видеопрезентацияларын ҡарағандан һуң еңеүселәрҙе түбәндәгесә билдәләй:
“Ғаилә ижады” номинацияһында
1-се урынға - Ҡариҙел районынан Мөнировтар ,
2-се урынға - Асҡын районынан Фәйзуллиндар,
3-сө урынға Тәтешле районынан Сәхибгәрәевтар һәм Нуриман районынан Аратовтар лайыҡ була.
“Ғаилә кәсебе” номинацияһында
1-се урынға - Асҡын районынан Ғайсиндар, Тәтешле районынан Мостафиндар,
2-се урынға - Ҡариҙел районынан Шәйхинуровтар,
3-сө урынға Тәтешле районынан Камаловтар эйә була.
“Ғаилә традициялары һәм ҡиммәттәре” номинацияһында
1-се урынға Бөрө районынан Хәмиҙуллиндар,
2-се урынға Асҡын районынан Ғәлләмовтар, Благовещен районынан Искәндәровтар,
3-сө урынға Мишкә районынан Хәсәновтар һәм Ҡариҙел районынан Биктәшевтар лайыҡ була.
Еңеүсе ғаиләләрҙе ихлас ҡотлайбыҙ һәм республика этабында ла уңыштар теләйбеҙ!
Төбәк этабында еңгән ғаиләләр бәйгенең республика этабында ҡатнашасаҡ, ә республика этабы февраль аҙағына тиклем тамамланасаҡ. Еңеүселәрҙең исеме 1 мартта Башҡорт ғаиләһе көнөндә үтәсәк Гала-концертта иғлан ителәсәк.
Конкурсты ойоштороусылар булып БР Мәҙәниәт министрлығы, «Бөтә донъя башҡорттары ҡоролтайы (конгресы)» Халыҡ-ара йәмәғәт берекмәләре союзы, БР Халыҡтар дуҫлығы йорто сығыш яһай.
Наилә Имаева.