Солтанбәктә “Йәштәр” аллеяһы барлыҡҡа килде

2024 йыл Бөтә донъя башҡорттары  ҡоролтайы тарафынан республикабыҙҙа  Йәштәр йылы тип иғлан ителгәйне. Ошо уңайҙан Солтанбәк ауылының Төбәк тип атап йөрөтөлгән ерендә Сарс йылғаһы буйына ауыл халҡы дәррәү килеп  “Йәштәр” аллеяһын  булдырҙы. Унда тотош ғаиләләр, хатта өс быуын вәкилдәре бергә килеп,    миләш, ҡайын, муйыл, йүкә ағастарын ултыртты һәм  һәр ағасты кәртәләп тә ҡуйҙылар. Сарала уҡытыусылар, мәктәп уҡыусылары, хатта балалар баҡсаһы тәрбиәләнеүселәре лә тәрбиәсе апайҙары менән ҡатнашты!

Афариндар! Ғаилә йылында  ғаиләләр шулай берҙәм булып, ололар йәштәргә өлгө күрһәтеп, саралар гөрләп үтһен.

Изге ниәттәр һәм Тыуған яҡҡа һөйөү менән ултыртылған ағстар тамыр алып, шаулап үҫеп, Солтанбәкте тағы ла йәмләп торһон! “Йәштәр” аллеяһына ҡарап, киләһе быуындар ҙа һөйөнөргә яҙһын!

Наилә Имаева.