Яҙыусылар съезы ойошманың яңы рәйесен һайланы

Был вазифаны Айгиз Баймөхәмәтов алып барасаҡ.

Баш ҡалабыҙҙа Башҡортостан яҙыусылары съезының эше дауам итә. Яҙыу оҫталарын берләштергән союзға артабан етәкселек итергә кандидатуралар өсәү ине: Флүр Ғәлимов, Ринат Камал һәм Айгиз Баймөхәмәтов. Флүр Ғәлимов, коллегаларын Айгиз Баймөхәмәтовҡа тауыш бирергә саҡырып, үҙенең кандидатураһын алды.
Иҫәпләү комиссияһы тауыш биреү һөҙөмтәләрен барлағас, шул билдәле булды: яҙыусылар ойошмаһының рәйесе итеп күпселек тауыш менән йәш, популяр яҙыусы Айгиз Баймөхәмәтов һайланды!

Рәүилә Ғатауллина.

https://vk.com/gazetabashkortostan?w=wall-104965500_193649