Батырҙар исеме мәңгеләштерелде

Балтас районы Һәйтәк ауылында Халыҡтар берҙәмлеге көнөнә арналған тантаналы саралар сиктәрендә Бөйөк Ватан һуғышында ҡатнашыусы яҡташтар иҫтәлегенә  обелиск асылды.
Обелисктың мемориаль таҡтаташтарында яу яланында ятып ҡалған һәм фронттан ҡайтҡан, ауылдаштары менән бер рәттән колхоз баҫыуҙарында эшләгән яугирҙарҙың исеме уйып яҙылған.
Обелиск Берҙәм Рәсәй партияһының «Аныҡ эштәр» проекты сиктәрендә, һәм иң мөһиме - ҙур өлөш индергән ауыл халҡының әүҙем ҡатнашлығында төҙөлгән.

Гөлназ Ғәлләмова.