"Бөгөн Ҡазанда мобилизацияға эләккән егеттәр менән Ҡариҙел районы хакимиәте башлығы Айҙар Әнғәм улы Шәйҙуллин һәм уның урынбаҫары Рәмил Карам улы Вәлинуров осрашты.
Яҡташтарыбыҙға посылка-күстәнәс, йылы кейемдәр һәм башҡаларҙы алып барҙыҡ, кәрәк-яраҡты әҙерләшеүҙә туғандары, шәхси эшҡыуарҙар, ғөмүмән, битараф булмаған ябай кешеләр дәррәү ярҙам итте. Һалдаттарыбыҙ район яңылыҡтарын белеп барһын өсөн гәзиттәрҙе лә алып барҙыҡ. Бик ҡыуанып тороп ҡалдылар, күп сәләм еткерҙеләр. Ир-егеттәрҙең кәйефтәре күтәренке, күңелдәре көр, яҡташтырыбыҙ менән бәйләнеш даими буласағына һәм иҫән-һау ҡайтыуҙарына ышанып ҡайтабыҙ”, - тип хәбәр итте Ҡариҙел районынан хеҙмәттәшебеҙ Гөлнара Солтанова.