Тотҡонлоҡтан ҡотолорға тырышып поезд тәҙрәһенә бер себен һуғыла. Вагондағылар барыһы ла шул себенгә ҡарап, һәр береһе үҙ уйына сумған. “Киев-Павлодар” поезы мине, Совет армияһы сержантын, Ҡаҙағстан далалары буйлап командировкаға алып китеп бара. Вагонда минән башҡа тағы ике кеше бар. Береһе — күҙлекле, уртаса йәштәге ир кеше, ҡулында һары төҫтәге портфель. Уны алдына ҡуйып, бер минутҡа ла ҡулынан ысҡындырмай тотоп бара. Ваҡыты-ваҡыты менән күҙен йомоп-йомоп ала. Икенсеһе — 50-55 йәштәрҙәге ҡырыҫ ҡарашлы, ныҡ кәүҙәле ағай. Уның көрәк кеүек ҡулында конверт бар, ул бер шул конвертҡа, бер тәҙрәләге себенгә ҡарап ниҙер уйлай.
Минең төкөрөктө йотоп ултырғанды һиҙгәндер инде, ҡырыҫ ҡарашлы ағай:
Мин:
Ағай кеше конвертын өҫтәлгә ҡуйып, ашыҡмай ғына, үҙенә генә булған ниндәйҙер дәрәжәлек менән ашай башланы. Конверт тышындағы адресҡа күҙ һалдым, хат Башҡортостандан ине.
Ул яуап бирергә ашыҡманы, ҡулындағы ризыҡты ашап бөтөрөп, ауыҙын һөрттө лә, көрһөнөп кенә:
Ағайҙың күҙҙәрендә бер миҙгелгә генә шатлыҡ осҡондары ҡабынды, йөҙөндәге ҡырыҫлыҡ юҡҡа сыҡты, йылмайыу йүгерҙе, ләкин ул тиҙ генә үҙ-үҙен ҡулға алып, элекке хәленә ҡайтты:
Күп тә үтмәне улар минең яҡын дуҫҡа әйләнде. Оксана иң сибәр ҡыҙ булып күренә башланы.Тыуған ауыл томан араһына инеп юғалды. Уянып киткәндә мин бер станцияла милиция участкаһында инем. Студенттар юҡ, хеҙмәттәшем дә юҡ, үҙем бер нәмә лә аңламайым. Ҡалғаны ҡурҡыныс төш һымаҡ булды. Мине кеше үлтереүҙә ғәйепләп, 10 йылға ултыртып ҡуйҙылар. Шаһиттар һүҙҙәренсә, бер егет менән һүҙгә килешеп тамбурға сыҡҡанбыҙ һәм мин бер үҙем кире әйләнеп килгәнмен. Ә теге егетте тимер юл буйында тапҡандар... Әсәйем мине көтөп ала алманы, ҡайғыһынан ауырып үлеп китте. Мин срокты тултырғас, Ҡаҙағстанда ҡалдым. Ауылға ҡайтырға оялдым. Шунда төпләндем, ғаилә ҡорҙом, балалар үҫтерҙем. Ләкин ауылымды әле лә һағынам. Йыл һайын отпуск алып ошо “Киев-Павлодар” поезына ултырып юлға сығам һәм 12 йыл ҡайтып етә алмайым, кире боролам, — тип һүҙен тамамланы ул.
Ағай тәҙрәгә ҡарап тын ҡалды. Поезд тәгәрмәстәре “һағындым-һағындым” тип тыҡылдауын дауам итте.
Ағайҙы тыңлағандан һуң күңелемдә шиғыр юлдары тыуҙы.
Ҡайта алмаҫмын, ахыры, тыуған яҡҡа.
Унда иҫмәй яҙмыш елдәре.
Һыуындылар инде, ялҡынланып,
Дөрләп янған минең хистәрем.
Боролоп-боролоп аға Төй йылғаһы,
Боролоп-боролоп аға йыраҡҡа.
Ҡайта алмаҫмын, ахыры, тыуған яҡҡа.
Буйһонормон инде яҙмышҡа.
Фото интернет селтәренән алынды.