Шәжәрәлә – халҡым тарихы

Балыҡсы ырыуы вәкилдәре йәшәгән Солтанбәк ауылында халыҡ милли асылына тоғро ҡалып, үҙ тарихын, шәжәрәләрен өйрәнә, белә һәм йәш быуынға ла өйрәтә. Шаһийән ағай Миңлеғәлиев башлаған эште солтанбәктәр лайыҡлы дауам итә. Ул төҙөп ҡалдырған шәжәрәләргә таянып, бөгөн һәр ғаилә үҙенең шәжәрәһен дауам итеп, нәҫел ептәрен барлай.
«Айыҡ ауыл-2021” республика конкурсы сиктәрендә уҙған “Ғаилә традициялары вариҫтары” байрамында ла солтанбәктәр Шәжәрәләр аллеяһын төҙөп, унда олоһонан алып кесеһенә тиклем шәжәрәләрен һөйләне.

Солтанбәктәр белә: тамыры ныҡ ағас ҡына ҡоромой, шуға ла улар нәҫел тамырҙарын белеп, йәш быуынға өйрәтеп үҫтерә.

Наилә Имаева.