Йондоҙнамә

Ылаҡ ( 22.12 – 20.01)

Көндәр уңышлы көтөлә, тик бер аҙ көс түгергә кәрәк булыр. Бигерәк тә шишәмбе һәм шаршамбыла әүҙемлек күрһәтергә ҡушыла. Йондоҙҙар йомала аҡса менән иғтибарлыраҡ булырға кәңәш итә.

Һыуғояр ( 21.01 – 19.02)

Аҙна башында уҡ ниндәйҙер ҡатмарлы мәсьәләләргә тап булырһығыҙ. Ул бөтөнләй таныш булмаһа ла, уны , ярҙам һорамай, үҙегеҙ хәл итерһегеҙ, был арала бер ҡасан да булмаған урынды күрерһегеҙ.

Балыҡ ( 20.02 – 20.03)

Элек килеп сыҡмаған эштәрегеҙ көтөлмәгәнсә яҡшы барыр. Бер ҙә уйламаған яҡтан ярҙам һәм булышлыҡ алырһығыҙ. Кесе йомала ыңғай яңылыҡтар ишетерһегеҙ. Был арала күптәнге бурысығыҙҙы ҡайтарырһығыҙ.

Ҡуҙы ( 21.03 – 20.04)

Мәл һәләттәрегеҙҙе күрһәтер өсөн уңайлы. Шишәмбе һәм шәмбе бигерәк тә уңышлы көтөлә. Осор барышында ҡайһы бер эшлекле бәйләнештәрҙе нығытырһығыҙ. Йомала бәхәстәрҙән ары тороғоҙ.

Буға ( 21.04 – 21.05)

Был арала йондоҙҙар һаҡ булырға ҡуша. Етди аҙымдарҙан ары тороу мөһим. Шишәмбелә ниндәйҙер бәхәстәр килеп сығыуы ла ихтимал. Бер аҙ түҙемлерәк булырға тырышығыҙ – хәлдәр тиҙ яйланыр.

Игеҙәктәр ( 22.05 – 21.06)

Үҙ көсөгөҙгә ҡайсаҡ артыҡ ышанаһығыҙ һымаҡ. Бындай ҡараш хпталарға килтереүе мөмкин. Яңлыш юл менән китеп, көс һәм ваҡыт әрәм итеүегеҙ бар. Аҙна барышында башҡалар менән уртаҡ тел табыу ауырыраҡ булыр.

Ҡыҫала ( 22.06 – 23.07)

Иң ауыр эштәр ҙә еңел барған һымаҡ тойолор. Ҡарашығыҙ ялған булыуы ихтимал. Шишәмбелә үк көрсөккә терәлгәнегеҙҙе аңларһығыҙ, бәлки. Йондоҙҙар бер аҙға туҡтап фекер төйнәргә ҡуша. Юғиһә көстө юҡҡа түгеүегеҙ бар.

Арыҫлан ( 24.07 – 23.08)

Аҙна араһында бәхәстәр күбәйеп китеүе мөмкин. Эшегеҙгә ҡыҫылырға теләүселәр ҙә табылыр. Мөнәсәбәттәрҙе һаҡлап ҡалыу һеҙҙән үтә түҙемлек талап итер кеүек. Йома көндө ыңғай яңылыҡтар килер.

Ҡыҙ ( 24.08 – 23.09)

Киләһе көндәр яҡшы хәбәрҙәр өмөт итә. 4 һәм 6-нда уңайлы мәлдәр булыр. Шәхси тормошоғоҙҙа а үҙгәрештәр көтөлә. Ғөмүмән, бар өлкәлә лә уңыштар буласаҡ. Йомалағы һөйләшеү кәйефегеҙҙе күтәрер.

Үлсәү ( 24.09 – 23.10)

Аралашыу һәйбәт барыр – яҡындарҙың күңеленә юлды еңел таба алырһығыҙ. Ҡайһы бер элекке хәлдәр, үпкәләшеү бөтөнләй онотолор. Был арала ышаныслы кешенән бик урынлы кәңәш ишетерһегеҙ. Уйламаған ерҙән аҡса килер.

Саян ( 24.10 – 22.11)

Һеҙҙе мәшәҡәтле осор көтәсәк. Бер юлы ике-өс эш менән булышырға тура килер һымаҡ. Бар тырышыуға ҡарамаҫтан, хаталар ебәреүегеҙ бар. Уларҙы, оҙаҡҡа һуҙмайынса, тиҙ төҙәтергә кәрәк булыр.

Уҡсы ( 23.11 – 21.12)

Шишәмбелә башҡалар менән ниндәйҙер ҡытыршылыҡтар килеп сығыуы мөмкин. Йондоҙҙар фекрегеҙҙе асыҡтан күрһәтмәҫкә ҡуша. Һүҙегеҙҙән зыян күреүегеҙ ҙә ихтимал. Күберәк башҡаларҙы тыңларға кәңәш ителә.

ӨМӨТБАЙ.

Йәшлек