Йондоҙнамә

Ылаҡ ( 22.12 – 20.01)

Осор яңы мөмкинлектәр килтерер. Ваҡ-төйәк менән булышҡандар уларҙы күрмәй ҙә ҡалыр, бәлки. Шишәмбелә кәйефегеҙ үтә үҙгәреүсән булыр. Ҡайсаҡ башҡалар һеҙгә юҡҡа бәйләнә һымаҡ тойолор.

Һыуғояр ( 21.01 – 19.02)

Шаршамбыла һеҙҙе ыңғай ваҡиғалар көтә. Күтәренке кәйефегеҙ әүҙем эшкә булышлыҡ итер. Бәғзеләр яңы маҡсаттар тураһында уйлана башлар. Йомала артыҡ көс түкмәй генә ниндәйҙер ҙур эште тамамларһығыҙ.

Балыҡ ( 20.02 – 20.03)

Кемдер яңы етди эште башлап ебәреүгә әҙерлек алып барыр. Йондоҙҙар иҫкәртә –  бының өсөн ваҡыт етмәгән әле, уңайлы мәлде көтөгөҙ. Йомала кемдер үҙ бурысын  һеҙгә йөкмәтергә тырышыр.

Ҡуҙы ( 21.03 – 20.04)

Аҙнаны әүҙем башлап ебәрерһегеҙ. Ләкин шишәмбенән һуң эштәрегеҙ барышы әкренәйер. Һис уйламаған хәлдәр килеп сығыуы ихтимал. Бигүк борсолмағыҙ, был оҙаҡҡа бармаҫ.

Буға ( 21.04 – 21.05)

Ғөмүмән, көндәр һәйбәт килер. Шулай ҙа йондоҙҙар һаҡ булырға һәм ашыҡмаҫҡа ҡуша. Ашығыс  ныҡлап уйламаған аҙымдарҙың хаталы булыуы мөмкин. Был бигерәк тә йомаға ҡағыла.

Игеҙәктәр ( 22.05 – 21.06)

Йорт-хужалыҡ эштәре күптән иғтибарығыҙҙы талап итә кеүек. Бының өсөн һиҙелерлек сығымдар ҙа кәрәгер, моғайын. Шаршамбыла ыңғай ваҡиғалар көтөгөҙ. Элек ҡылған изгелегегеҙ өсөн рәхмәт һүҙҙәрен дә  ишетерһегеҙ, бәлки.

Ҡыҫала ( 22.06  – 23.07)

Был арала көтөлмәгән ваҡиғалар күбәйер. Йыш ҡына йылдам эш итергә, ашығыс ҡарарҙар ҡабул итерһегеҙ. Юғалып ҡалмаҫһығыҙ, барыһын да дөрөҫ эшләрһегеҙ. Күпселек осраҡта үҙ көсөгөҙгә генә таянығыҙ.

Арыҫлан ( 24.07 – 23.08)

Аҙна ҡәҙимгесә килер. Шишәмбелә ишеткән хәбәр мотлаҡ ҡыуандырыр. Уңайлы мәлдәрҙең кесе йомала булыуы ихтимал. Был көндө элек иғтибар итмәгән мөмкинлекте күрерһегеҙ.

Ҡыҙ ( 24.08 – 23.09)

Ошо арала бер аҙ борсолорға, икеләнергә лә сәбәптәр булыр шикелле. Был шәхси тормошоғоҙға ҡағылыр кеүек. Тойғоларығыҙҙы тәртипкә килтереп, хәлдәргә асыҡлыҡ индерә алырһығыҙ, моғайын.

Үлсәү ( 24.09 – 23.10)

Шишәмбе бик уңышлы үтер. Рәсми ҡағыҙҙар менән бәйле ниндәйҙер эште тамамларһығыҙ. Кесе йомала хата ебәреүегеҙ бар. Уны тиҙ күрерһегеҙ, ләкин төҙәтеү һеҙҙән өҫтәмә ваҡыт талап итер.

Саян ( 24.10 – 22.11)

Ҡатмарлы көндәр көтөлә. Шулай ҙа тыныс булығыҙ, дөйөм хәлдәр тиҙ ыңғай яҡҡа үҙгәрергә тора. Йондоҙҙар әлегә аҡса менән һаҡ эш итергә ҡуша. Был арала  башҡаларҙың хаталарын да төҙәтерһегеҙ.

Уҡсы ( 23.11 –  21.12)

Ғөмүмән, аҙна уңышлы булмаҡсы. Шишәмбелә генә кеше ғәйебе менән ваҡытығыҙҙы бушҡа уҙғарырһығыҙ. Кесе йомала ниндәйҙер мөһим эште башлап ебәрерһегеҙ һымаҡ. Булышлыҡ итерлек ышаныслы юлдаш та табылыр.

Сығанаҡ: Йәшлек