ҠУҘЫ
Аҙна буйы рух күтәренкелеге күҙәтелер. Һөҙөмтәлә шәхси мөнәсәбәттәрҙә, коммерция эштәрендә уңыш ҡаҙанырһығыҙ. Абруйлы кешеләрҙең ярҙамында вазифала үҫеү, мул ғына аҡса эшләү мөмкинлеге тыуыр. Лотерея уйынында отоуығыҙ бар.
БУҒА
Уңышлы осор башлана, айырыуса гүзәл заттар өсөн. Тормошоғоҙҙа үҫеш йәһәтенән юғарыраҡ кимәлгә сығырһығыҙ. Яңы танышлыҡ донъяға ҡарашығыҙҙы үҙгәртер, моғайын. Көслө заттарға маҡсатҡа өлгәшеүҙә ныҡышмалылыҡ талап ителер.
ИГЕҘӘКТӘР
Бөтә эштәрегеҙҙе барлағыҙ, юғиһә мөһим бурысты башҡарырға онотоп, етәкселектән тәнҡит һүҙе ишетеүегеҙ бар. Аҙна аҙағына күптән борсоған мәсьәләне хәл итеү юлын табырһығыҙ.
ҠЫҪАЛА
Төҫ-ҡиәфәтегеҙҙе үҙгәртергә теләһәгеҙ ҙә, был арала ниәтегеҙҙән кире ҡайтыу хәйерле. Сәс киҫтереү, буятыу, яңы кейем һатып алыу әллә ни ҡыуандырмаҫ. Уның ҡарауы, яҡындарығыҙ менән мөнәсәбәттәр аҙна аҙағына яйланыр.
АРЫҪЛАН
Етәкселек менән аралашыу, дәүләт органдарына һәм ойошмаларына мөрәжәғәт итеү өсөн ҡулай осор. Яңы хеҙмәттәшлек өсөн офоҡтар асылыр. Ниндәйҙер коммерция ғәмәленән мул ғына аҡса алырһығыҙ.
ҠЫҘ
Аҙна яңы кешеләр менән танышыу йәһәтенән уңышлы булыр. Күптән тыныслыҡ бирмәгән коммерцияға бәйле эштә алға китеш күҙәтелер. Был арала ҡылынған сәфәрҙәр күңелегеҙҙе күтәрер.
ҮЛСӘҮ
Финанс мәсьәләһе әленән-әле ҡалҡып сығыр. Йондоҙҙар ошо арала бурыстан ҡотолорға кәңәш итә. Осор аҙағына туғандар менән мөнәсәбәт киҫкенләшеп китеүе ихтимал.
САЯН
Элек башҡарған ниндәйҙер мөһим эшкә әйләнеп ҡайтырға тура килер, моғайын. Аҙна уртаһында матди мәсьәлә күп ваҡытты алыр. Әйбер юғалтыуығыҙ йәки электр приборының боҙолоуы бар. Аҡсағыҙҙы бушҡа сарыфламай тороғоҙ.
УҠСЫ
Һөйгәнегеҙҙең ихласлығына шик тыуыр, моғайын. Шулай уҡ был арала күңелегеҙҙе икенсе кешенең биләп алыуы ла ихтимал. Ниндәйҙер ҡарарға килер алдынан, ныҡлы уйларға кәңәш ителә. Был арала яҡындарығыҙҙың ярҙамына өмөт итмәү хәйерле.
ЫЛАҠ
Аралашыуҙарға бай аҙна. Осор уртаһында алған мәғлүмәттең кәйефегеҙҙе төшөрөүе ихтимал. Туғандарығыҙ, дуҫтарығыҙ менән аралар һыуынмаһын тиһәгеҙ, уларға тормошоғоҙ тураһында тәфсирләп һөйләмәгеҙ.
ҺЫУҒОЯР
Төрлө инстанцияларға документ йыйыу менән шөғөлләнергә тура килер. Аҙна уртаһында бурысҡа аҡса бирмәгеҙ, юғиһә был кеше менән мөнәсәбәтегеҙ боҙолор. Ял көндәрен мөмкинлек булһа, яңғыҙ үткәрергә кәңәш ителә.
БАЛЫҠ
Был аҙнала әйбер, самолетҡа билет һатып алмаҫҡа кәңәш ителә, алдаҡсыларҙың тоҙағына эләгеү хәүефе бар. Шаршамбынан һуң эштә үҙгәрештәр булыр. Ял көндәрендә күптәнге хыялығыҙ тормошҡа ашыр.
https://bashgazet.ru/articles/matur-t-en-yaly-y/2022-11-11/yondo-nam-14-20-noyabr-3026341