Ылаҡ (22.12 – 20.01)
Был арала ҡайһы бер таныш нәмәләргә яңыса ҡарай башларһығыҙ. Бәғзеләр элек ебәргән хатаһын асыҡлар һәм уны төҙәтер. Шишәмбе һәм йомала һиҙелерлек уңыштарға өлгәшерһегеҙ. Аҡса ҡәҙимгенән күберәк килер.
Һыуғояр ( 21.01 – 19.02)
Аҙна бер аҙ мәшәҡәтлерәк башланыр. Шаршамбыла һис тә уйламаған мәсьәләгә осрарһығыҙ. Уны хәл итеү һеҙҙән күп көс һәм ваҡыт талап итер, моғайын. Тәғәйенләнгән эштәрегеҙҙе тулыһынса башҡарыу һис тә еңел булмаҫ.
Балыҡ ( 20.02 – 20.03)
Был арала яңы эштәр башламаҫҡа кәңәш ителә. Иғтибарығыҙҙы тамамланмағандарына йүнәлтеүегеҙ дөрөҫ булыр. Элекке хаталарығыҙҙы төҙәтеү ҙә байтаҡ ваҡытығыҙҙы алыр. Йомала саҡырған урынға мотлаҡ барығыҙ.
Ҡуҙы ( 21.03 – 20.04)
Башҡалар менән еңел уртаҡ тел таба белһәгеҙ ҙә, шишәмбе-шаршамбыла етди һөйләшеүҙән баш тартығыҙ. Кесе йомалағы ваҡиғалар кәйефегеҙҙе күтәрер. Аҙна йомғаҡтары уйламағанса яҡшы булыр.
Буға ( 21.04 – 21.05)
Ҡаршылыҡтар ҡапыл күбәйеп китер. Күмәкләп башҡарған эштәрегеҙ насар барыр, ҡайсаҡ бөтөнләй туҡтар ҙа, бәлки. Кеше дәғүәләрендә ҡатнашырға, ҡайһы осраҡта уларҙы яраштырырға ла тура килер.
Игеҙәктәр ( 22.05 – 21.06)
Шишәмбелә уйламаған мәшәҡәттәр килеп сығыуы ихтимал. Улар ваҡытығыҙҙы алыр, әлбиттә. Шулай ҙа нисектер барыһына ла өлгөрөрһөгөҙ. Бөтә эште ваҡытында башҡарырһығыҙ. Аҙна йомғаҡтарынан ҡәнәғәт ҡалырһығыҙ.
Ҡыҫала ( 22.06 – 23.07)
Аҙна башында ҡаршылыҡтарға осрарһығыҙ. Кемдер һеҙгә дәғүә белдереүе лә бар. Бының өсөн борсолмағыҙ, ваҡыт үткәс һеҙҙең хаҡлы булыуығыҙ тулыһынса раҫланыр. Йомалағы хәлдәр кәйефегеҙҙе күтәрер.
Арыҫлан ( 24.07 – 23.08)
Был арала сәфәрҙәрегеҙ уңышлы үтер. Ғөмүмән, яңы тәьҫораттар һеҙгә дәрт өҫтәр. Бәғзеләр тормошона яңы үҙгәрештәрҙе әүҙем индерә башлар, моғайын. Кесе йомала һеҙҙең өсөн мөһим ваҡиғалар булыуы ихтимал.
Ҡыҙ ( 24.08 – 23.09)
Көндәр төрлө ваҡиғаға бай булмаҡсы. Тыныс ҡына эш итергә мөмкинлегегеҙ юҡ тиерлек. Шишәмбе-шаршамбыла баш күтәрергә лә ваҡытығыҙ булмаҫ. Бынан тыш, башҡаларға ла ярҙам итерһегеҙ. Йомала етди һөйләшеү көтөгөҙ.
Үлсәү ( 24.09 – 23.10)
Аҙнаны һәйбәт үткәрерһегеҙ. Ниндәйҙер файҙалы эштәр башҡарырһығыҙ – йондоҙҙар һәр саҡ һеҙҙең яҡлы булыр. Бәғзеләр элекке хаталарын төҙәтер, кешеләргә ярҙам-терәк күрһәтер. Йомала уйлағандан икеләтә күберәк булдырырһығыҙ.
Саян ( 24.10 – 22.11)
Етди, хәлегеҙҙән килмәгән мәсьәләләр булмаҫҡа тейеш. Һәр саҡ тәжрибәгеҙ ярҙам итер. Килеп тыуған һорауҙарға яуаптарҙы тиҙ табырһығыҙ. Кесе йомала күптән күрмәгән яҡын кешегеҙҙән хәбәр алырһығыҙ.
Уҡсы ( 23.11 – 21.12)
Башығыҙҙа өмөтлө уй-фекерҙәр даими тыуып торор. Уларҙы бойомға ашырғанға тиклем әҙерлек үткәрергә кәрәк. Башҡаларға был турала әлегә һөйләмәҫкә ҡушыла. Шаршамбыла һәр аҙымығыҙҙы уйлап эшләгеҙ, сөнки янығыҙҙа ышанысһыҙ кешеләр бар.
https://ye102.ru/articles/mahsus/2022-10-23/yondo-nam-24-30-oktyabr-2997633