Йолаларҙа — милләт асылы

Кәкүк сәйе —  йылдың уңышлы килеүен теләп, борон замандан билдәләнелә  торған йола байрамы. Ул, ғәҙәттә, май айында үткәрелә. Мишкә районы Оло Шаҙы ауылы халҡы "Кәкүк сәйе"нә йыйылды. Йола буйынса аҡланда табын ҡоролдо, уйындар үткәрелде, теләктәр әйтелде. Ризыҡтың бер аҙ өлөшөнән кәкүккә лә өлөш сығарҙы сарала  ҡатнашыусылар:  һөттән һәм унан әҙерләнгән ҡатыҡ, ҡаймаҡты ағас төбөнә ҡойҙолар һәм ботаҡтарға ҡыҙыл таҫма бәйләнеләр. Быларҙың барыһы ла ҡоштар миһырбанлы булһын өсөн эшләнелә.

Лилиә Хәсәнова.