Бесән әҙерләрлек һауа торошо булырмы?

Республика халҡы өсөн быйыл йәй ҡойма ямғырҙар, дауылдар, ташҡындар менән иҫтә ҡаласаҡ. Исмаһам йәй аҙағы беҙҙе ҡояшлы көндәре менән ҡыуандырырмы икән? “Башгидрометүҙәк” синоптиктары түбәндәгесә фаразлай:

22 августа төндә лә, көндөҙ ҙә йәшенләп ҡыҫҡа ваҡытлы ямғыр яуыуы ихтимал. Һауа температураһы төндә +8, +13, көндөҙ +15, +20 градус булыуы көтөлә. Шулай уҡ көндөҙ урыны менән көслө ел була.

23 августа урыны менән ямғыр яуасаҡ. Һауа температураһы төндә +7, +12, көндөҙ +18, +23 градусҡаса эҫе буласаҡ.

24 августа төндә +10, көндөҙ +19 градус була. Көн аяҙ буласаҡ, тип хәбәр итә синоптиктар.

Ә бына 26 августан, ниһайәт, ямғырҙар туҡтаясаҡ, көндәр йылынасаҡ. Көндөҙ +24, +26 градусҡаса эҫе булыр тип көтөлә. Ошо ваҡытта халыҡҡа бесән эшләргә, йәшелсәләрҙе ҡаҙып алырға мөмкинлек буласаҡ.

Фото: Айрат Нурмөхәмәтов.