Атаһының күҙ алдында улын акула талаған

Барыһы ла бик тиҙ булды, ти һәләк булған егеттең атаһы. Аталы-уллы Хургадаға ике ай элек килгән, ошонда йылы диңгеҙ буйында рәхәтләнеп йәшәргә уйлағандар, фатир алғандар. Тик, үкенескә күрә, хыялдарын йыртҡыс боҙған. Хәүефһеҙ, тип һаналған пляжда Владимирға (Архангел өлкәһенән) акула һөжүм иткән. Йәрәхәттәре үлемесле булған.

Мысыр курорттарында акуланың кешегә ташланыуы тәүге тапҡыр түгел. Әле пляждарҙы ябып торғандар һәм ул йыртҡысты тотҡандар. Тотоу менәнме ни?! 

Автор:Алһыу Ишемғолова

https://ye102.ru/articles/ya-yly-tar-ta-ma-y-netu/2023-06-09/ata-yny-k-aldynda-ulyn-akula-tala-an-3293661