Иртәгә Радий Хәбиров Мөрәжәғәтнамә менән сығыш яһай

15 декабрҙә Башҡортостан Дәүләт Йыйылышы – Ҡоролтайҙың 49-сы ултырышында республика Башлығы Радий Хәбиров парламентарийҙарға йыллыҡ Мөрәжәғәтнамә менән сығыш яһай.

Сарала Башҡортостандан Рәсәй Федерация Советындағы сенаторҙар һәм Дәүләт Думаһы депутаттары, төбәк Хөкүмәте ағзалары, башҡарма власть органдары һәм федераль ведомстволарҙың территориаль подразделениелары етәкселәре, муниципалитет башлыҡтары, республиканың коммерцияға ҡарамаған ойошмалары, социаль, мәҙәни, мәғариф учреждениелары вәкилдәре, традицион конфессияларҙың лидерҙары, шулай уҡ махсус хәрби операциялағыларҙың ғаиләләре ҡатнаша.

Тура тапшырыуҙы Башҡортостан Дәүләт Йыйылышы – Ҡоролтайҙың RUTUB каналындағы (https://rutube.ru/video/7dcfa7fa224af21ceb6565f1396749bd/) һәм YouTub каналындағы (https://www.youtube.com/watch?v=z9U88L-S3w4) сәхифәләрендә ҡарарға мөмкин.

Фото bashdp.ru