Президент Путин хәрбиҙәргә һәм тәртип һаҡсыларына 15-әр мең һум түләү тураһында указға ҡул ҡуйҙы

Указға ярашлы, 2021 йылдың 31 авгусына хәрби хеҙмәткәр тип һаналғандарға сентябрҙә аҡса түләнергә тейеш.

Аҡса контракт буйынса хеҙмәт итеүселәргә; хәрби белем биреү ойошмалары курсанттарына; прокурорҙарға; Тәфтиш комитеты хеҙмәткәрҙәренә; эске эштәр органдары хеҙмәткәрҙәренә; енәйәт-яза башҡарыу системаһы органдары хеҙмәткәрҙәренә; Федераль янғынға ҡаршы хеҙмәт хеҙмәткәрҙәренә; таможня органдары хеҙмәткәрҙәренә; Милли гвардия ғәскәрҙәрендә хеҙмәт итеүселәргә; Федераль фельдъегер хеҙмәтенең етәкселек итеүсе составына бирелә.

Әгәр сентябрҙә аҡса түләнмәһә, уны һуңыраҡ күсереүҙәре мөмкин.

22 августа президент илдең барлыҡ пенсионерҙарына бер тапҡыр 10-шар мең һум түләргә тәҡдим иткәйне. Аҙаҡтан ул тейешле указға ҡул ҡуйҙы. Хаҡлы ялдағылар аҡсаны 2 сентябрҙә ала башлай.

Фото: «Башинформ» мәғлүмәт агентлығы

https://www.bashinform.ru/news/1637259-prezident-putin-podpisal-ukaz-o-vyplate-15-tysyach-rubley-voennym-i-strazham-poryadka-/