Халыҡ Ил ағаһы менән хушлаша

Бөгөн Башҡортостан халҡы бөйөк улы - Башҡортостан Республикаһының беренсе Президенты менән хушлаша. Бәхилләшеү сараһы иртәнге сәғәт 9-ҙан башланды, ә рәсми өлөшө сәғәт 12-лә буласаҡ.

Иртә таңдан "Башҡортостан" дәүләт концерт залы алдында хушлашырға килгән кешеләр сиратҡа торған. Күптәр сәскә, гөлләмәләр менән килә. Халыҡ минут һайын арта, сират үҫә бара. Был күренеш Ил ағаһының республика халҡы алдындағы абруйы, изге эштәре менән яулаған һөйөүе тураһында һөйләй.

Рәмилә Мусина.
Автор фотоһы.