Халыҡ-ара туған телдәр көнө уңайынан Асҡын 1-се урта мәктәбендә лә бай йөкмәткеле саралар үтте. Башҡорт теле һәм әҙәбиәте уҡытыусылары уҡыусыларға туған телдең матурлығы, әһәмиәте тураһында һөйләп, фәһемле дәрестәр үткәрҙе, башҡорт телендә сыҡҡан гәзит-журналдар менән таныштырып, әҙәбиәткә һөйөү уятты. Балалар дәрестәрҙә үҙҙәре лә шиғырҙар яҙып ҡараны. “Теле барҙың — иле бар” әҙәби-музыкаль композицияһында малайҙар һәм ҡыҙҙар үҙҙәренең һәләттәрен дә күрһәтте.