Балтас районы Иҫке Балтас ауылының 2-се мәктәбе уҡыусыһы һәм «Йәшлек» физкультура-һауыҡтырыу комплексы тәрбиәләнеүсеһе Әмир Әхкәмов Башҡортостан Республикаһы йыйылма командаһы составында «Артек» халыҡ-ара балалар үҙәгендә үткән Бөтә Рәсәй ГТО фестивалендә ҡатнашты. Һигеҙ уҡыусынан торған команда республика исеменән уңышлы сығыш яһап, 2-се урынды алды.
Әйтергә кәрәк, Әмир район уҡыусылары араһында иң көслө йөҙөүсе булып тора һәм йөҙөү буйынса 1-се үҫмерҙәр разрядына эйә.
Әмирҙе еңеүҙәре менән ҡотлайбыҙ һәм спортта ла, уҡыуҙа ла яңы ҡаҙаныштар теләйбеҙ!
Гөлназ Ғәлләмова.