Иҫке Балтас ауылы "Йәшлек" физкультура-һауыҡтырыу комплексының спорт залында райондың мәҙәниәт хеҙмәткәрҙәре йыйылды. Тантаналы өлөшөндә сәләмләү һәм ҡотлау һүҙе менән хакимиәте башлығы Илгиз Әхүәс улы Субушев сығыш яһап, юбилярҙарҙы билдәләне.
"Йәшлек" физкультура-һауыҡтырыу комплексы директоры Фәрит Фәнил улы Ғәлимов барыһын да байрам менән ҡотлап, ижади уңыштар теләне һәм ГТО нормативтарын тапшырыу ҡағиҙәләре менән таныштырҙы.
Байрамдың иң ҡыйыу, әүҙем ҡатнашыусылары ҡулға таянып кәүҙәне күтәреү, пресс, оҙонлоҡҡа һикереү, 30 метрға йүгереү кеүек төрҙәр буйынса ГТО нормативтарын тапшырҙы. Сара аҙағында спорт ярыштары ойошторолдо. Ике команда ла һынатманы шуға ла дуҫлыҡ еңде.
Гөлназ Ғәлләмова.