Бөтә яңылыҡтар
Спорт
10 Октябрь 2021, 23:30

Шахмат ярышын ҡарағығыҙ киләме?

Шахмат яратыусылар Рәсәй чемпионаттарының суперфиналдары барышын килеп ҡарай ала. Улар өсөн музей буйлап экскурсия ла ойошторалар.

Шахмат ярышын ҡарағығыҙ киләме?
Шахмат ярышын ҡарағығыҙ киләме?

Өфөлә ирҙәр һәм ҡатын-ҡыҙҙар араһында шахмат буйынса Рәсәй чемпионаттары суперфиналдарының тәүге турҙары уҙҙы. Ике ярышта ла һөҙөмтәле икешәр партия уйналды.

Беренсе турҙа Владимир Федосеев, ҡаралар менән уйнап, Александр Мотылевты отһа, Кирилл Алексеенко аҡтар менән Александр Предкены еңде. Александра Горячкина менән Павел Понкратовтың уйыны, тәүгеһе башта өҫтөнлөк күрһәтһә лә, тигеҙ иҫәпкә тамамланды. Андрей Есипенко – Александр Рахманов, Дмитрий Андрейкин – Максим Матлаков һәм Никита Витюгов – Максим Чигаев партияларының һөҙөмтәһе лә шулай булды.

Икенсе турҙа улар түбәндәгесә уйнай:
Матлаков – Рахманов
Чигаев – Есипенко
Предке – Витюгов
Федосеев – Алексеенко
Горячкина – Мотылев
Андрейкин – Понкратов

Ҡатын-ҡыҙҙар турнирында иһә Марина Гусева – Анастасия Боднарукты, Алина Кашлинская Алиса Ғәлләмованы отто. Ольга Гиря менән Валентина Гунинаның, Алина Бивол менән Наталья Погонинаның, Полина Шувалова менән Евгения Оводтың, Дарья Войт менән Лея Ғарифуллинаның уйындары тигеҙ иҫәпкә тамамланды.

Икенсе турҙа улар түбәндәгесә уйнай:
Овод – Погонина
Войт – Бивол
Ғәлләмова – Ғарифуллина
Боднарук – Кашлинская
Гунина – Гусева
Шувалова – Гиря

Ярыштар Рәсәйҙең шахмат федерацияһы һәм Елена менән Геннадий Тимченколарҙың мәрхәмәтлелек фонды тарафынан "Музейҙарҙа шахмат" программаһына ярашлы уҙғарыла. Шахмат яратыусылар турнир барышын баш ҡалалағы "Нестеров Плаза" отеленә килеп ҡарай ала. Улар өсөн музей буйлап экскурсия ла ойошторалар. Битлек кейеү, тән температураһын үлсәтеү мотлаҡ.


Фото: Этери Кублашвили.

Автор:Даян Мазитов
Шахмат ярышын ҡарағығыҙ киләме?
Шахмат ярышын ҡарағығыҙ киләме?
Читайте нас: