Өфөлә Токиолағы Паралимпиада еңеүселәрен һәм призёрҙарын ҡаршы алдылар

Республиканың спорт министры Руслан Хәбибов, спортсыларҙың туғандары, дуҫтары, коллегалары һәм журналистар өҫтәл теннисы дисциплинаһында алтын миҙал яулаған Елена Прокофьеваны, А категорияһында фехтование буйынса бронза призёр Никита Нагаевты, Башҡортостандан Паралимпиадала ҡатнашҡан Альберт Камаловты ҡаршы алды.

Өфө аэропортында спортсыларҙы йылы ҡабул иттеләр һәм уларға сәскә гөлләмәһе тапшырҙылар. Шуны билдәләп үтәйек: Башҡортостан Башлығы Радий Хәбиров паралимпиясыларҙы тантаналы рәүештә ҡаршы алырға ҡушҡайны.

https://www.bashinform.ru/news/1637134-v-ufe-vstretili-pobediteley-i-prizyerov-paralimpiady-v-tokio-/