Зәйтүн майы ныҡ файҙалы
Беҙ күберәк көнбағыш майын ҡулланырға өйрәнгәнбеҙ, әммә белгестәр фекренсә, зәйтүн майы күпкә файҙалыраҡ.
- Ул ҡан тамырҙарын атеросклероздан һәм уның насар эҙемтәләренән һаҡлай.
- Ашҡаҙан, эсәк, ашҡаҙан аҫты биҙе һәм бауырҙың эшмәкәрлеген яҡшырта, ашҡаҙан һәм бөйән сей яраһының төҙәлеүенә булышлыҡ итә.
- Кемдәр эсе ҡатып йонсой, бер ҡалаҡ зәйтүн майын лимон һуты ҡушып эсһен.
- Зәйтүн майы матдәләр алмашыныу процесына ыңғай йоғонто яһай, организмды ҡартайыуҙан һаҡлай.
- Организм тарафынан кальций үҙләштерелеү иҫәбенә, һөйәк туҡымаһының үҫеүенә булышлыҡ итә.
- Составында Е витамины булыу сәбәпле, күҙәнәктәрҙең ҡартайыуын тотҡарлай һәм айырыуса ололарға ҡулланырға кәңәш ителә.