Бөтә донъя тәмәке тартыуға ҡаршы көрәш көнө уңайынан

Был насар ғәҙәте булған кешеләр ни тиклем ағыуҙы бер юлы ҡулланыуын аңлаймы икән? Тап шул бәләгә ҡаршы теләктәшлектәрен белдереп, ҡариҙелдәр инде бер-нисә йыл рәттән велосипедта уҙышып, бәйге ойоштора. Быйыл да кискеһен велосипедсылар күрһәтелгән маршрут буйынса уҙышҡа сыға. Район Мәҙәниәт һарайынан алып,  район үҙәгенә ингән ерҙәге яңы күпер янына тиклем  юл үткәндән һуң, ойоштороусылар – йәштәр бүлеге белгестәре һәм ирекмәндәр төрлө уйындар, викториналар үткәрә. Был уҙышҡа һеҙ ҙә ҡушыла алаһығыҙ, сәләмәт йәшәүгә ни етә!

Гөлнара Солтанова.