Күршеләрҙә мотлаҡ вакцинация индерелә

Татарстанда граждандарҙың айырым категорияларына мотлаҡ вакцинация индерелә.

Мотлаҡ прививка яһатырға тейеш:

60 йәштән өлкәндәр;

медицина, мәғариф ойошмаларында һәм социаль учреждениеларҙа эшләүселәр;

транспорт, энергетика ойошмалары, сәнәғәт, төҙөлөш, ауыл хужалығы предприятиелары эшселәре;

хоҡуҡ һаҡлау органдары хеҙмәткәрҙәре;

дәүләт һәм муниципаль хеҙмәткәрҙәр;

производство практикаһы үткән студенттар;

хеҙмәтләндереү өлкәһе эшселәре:— сауҙа, дөйөм туҡланыу,— спорт учреждениелары, бөҙрәхана, мунсалар,— банктар, почта, транспорт, такси,— элемтә, торлаҡ-коммуналь хужалыҡ һәм энергетика,— музейҙар, театрҙар, кино, концерт һәм күргәҙмә залдары, китапханалар,— ҡунаҡханалар, күңел асыу үҙәктәре, балалар лагерҙары, туризм ойошмалары, киң мәғлүмәт саралары,— дарыуханалар, ветеринария клиникалары.

6 декабргә тиклем ойошмаларҙың эшселәре прививканың ике компонентын да эшләтергә тейеш. 9 ноябрҙән вакцинаның тәүге компонентын яһатмағандар эштән ебәреләсәк. Мотлаҡ вакциналау табип күрһәтмәһе бирелгән кешеләргә ҡағылмай. Татарстандың Һаулыҡ һаҡлау министрлығы 60 йәштән оло йәштәгеләр өсөн күсмә вакциналау ойоштормаҡсы.