Билдәле яҡташтарыбыҙҙы ҡотлайбыҙ!

Рәсәй Президенты Владимир Путин илебеҙҙең алдынғы белгестәрен һәм эшмәкәрҙәрен наградлау тураһындағы Указға ҡул ҡуйҙы. Уларҙың араһында өс яҡташыбыҙ бар.

Башҡортостандан сенатор, Федерация Советының мәғариф, фән һәм мәҙәниәт буйынса комитеты рәйесе Лилиә Ғүмәрова һәм эшҡыуар, йәмәғәт эшмәкәре Рөстәм Нәбиев Дуҫлыҡ ордены менән наградланды.

Краснокама районының “Алға” тоҡомсолоҡ заводы” ауыл хужалығы етештереү кооперативы етәксеһе Рифҡәт Хәтмуллинға “Рәсәй Федерацияһының атҡаҙанған ауыл хужалығы хеҙмәткәре” исеме бирелде.

Яҡташтарыбыҙҙы ҙур наградаларға лайыҡ булыуҙары менән ҡотлайбыҙ, уңыштар теләйбеҙ!

Фото: ”Башинформ”.