ҠАШҠА ҠАҒЫ
Йола күрһәтәбеҙ тигәс,
Был яҡтарға ашҡындым:
Ҡаҡ ҡойорға өйрәттеләр
Инәйҙәре Асҡындың.
Ҡайын еләгенән бында
Ҡоялар татлы ҡаҡты.
Милли ризыҡтар оҫтаһы –
Ҡунаҡсыл Ҡашҡа халҡы.
Балан ҡағы ла – өҫтәлдә,
Бар тағы алма ҡағы.
Төрлө емештәргә бай шул
Илемдең урман яғы.
Ҡарағат ҡағы бик татлы,
Күңел китә асылып.
Хатта милли ризыҡта ла
Бар халҡымдың асылы.
Ҡаҡта – тәбиғәт ҡеүәте,
Һанамам ябай ашҡа.
Эй, татлы булды ҡаҡтары –
Ҡашҡалар үҙе башҡа.
Лариса АБДУЛЛИНА, 2022 йыл.