Солтанбәктәр волейбол турниры ойошторҙо

Солтанбәк ауылы халҡы  үткән йылдың ноябрендә үткән  тәүге йыйылышта бер тауыштан Урындағы башланғыстарҙы яҡлау программаһында ҡатнашырға теләк белдерә.

Улар  МТЗ-82 тракторы өсөн үҙбушатҡыс арба, шулай уҡ зират өсөн перфоратор һәм бензин генераторы һатып алырға ҡарар итә.

Ошо проектты  яҡлап,  төрлө мәҙәни һәм спорт  саралары үткәрәләр.

 Күптән түгел  ауыл йәштәрен йыйып,  волейбол турниры  ойошторҙолар.

 Сара  тәжрибәле уйынсыларҙы, шулай уҡ волейболды үҙ итеүселәрҙе  берләштереп,  дуҫлыҡ һәм ярҙам мөхитендә  уҙҙы. Турнирҙа ҡатнашыусы өс команда арарһында  “Кәләсәй” – 1-се, “Унияз”- 2-се,  “Туғанай” 3-сө урын яуланы.

Проектты тормошҡа ашырыуҙа солтанбәктәргә тик уңыштар теләйбеҙ!

Наилә Имаева.