2025 йыл Махсус хәрби операцияла ҡатнашыусылар йылы буласаҡ

Уға ярашлы, төбәк Хөкүмәте ойоштороу комитеты составын һәм тейешле саралар планын раҫларға, шулай уҡ указды тормошҡа ашырыуға бәйле сығымдарҙы финанслау сығанаҡтарын билдәләргә тейеш.

Райондар һәм ҡалалар хакимиәттәренә муниципаль кимәлдәге ойоштороу комитеттарын булдырырға, саралар планын әҙерләргә, раҫларға һәм үтәүҙе тәьмин итергә кәңәш ителә.

Хәтерегеҙгә төшөрәбеҙ: 2025 йылды Махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылы тип иғлан итеү ниәте тураһында Башҡортостан Башлығы 24 октябрҙә «Ҡаршылыҡтарҙы емереп» III Бөтә Рәсәй форум-күргәҙмәһенең пленар ултырышында хәбәр иткәйне.

Сығанаҡ:  https://bashkizi.ru/news/-u--iy-ili-tar/2024-11-01/2025-yyl-mahsus-h-rbi-operatsiyala-atnashyusylar-yyly-bulasa-3993531