Уларға янғынды иҫкәртеүсе заманса датчиктар биреләсәк

 Ғәҙәти датчиктан айырмалы рәүештә,  ул ғәҙәттән тыш хәл осрағында сигналды бер юлы дүрт адресҡа ебәрә: опека органдарына, ашығыс хеҙмәттәргә һәм башҡаларға. Шулай итеп, хәрәкәте сикләнгән  граждандарҙың янғындан ҡотолоу мөмкинлеге арта.

«Беҙҙең төп бурыс — кешеләрҙең ғүмерен һаҡлау», –  тип был  яңылыҡҡа аңлатма бирҙе Башҡортостан Башлығы Радий Хәбиров БР  Хөкүмәтендәге оператив кәңәшмәлә. Шул уҡ ваҡытта БР Хөкүмәте Премьер-министры урынбаҫары — БР Хөкүмәте аппараты етәксеһе Азамат Абдрахманов янғын иҫкәрткестең ишетеү, күреү һәм терәк-хәрәкәт аппараты боҙолған инвалидтарға биреләсәген хәбәр итте.

 Пилот проекты Благовещен, Ишембай һәм Стәрлетамаҡ райондарын үҙ эсенә ала, ә тиҙҙән проектҡа Тәтешле районы ла ҡушыласаҡ.