Быйыл да “Ҡатын-ҡыҙ – милләт әсәһе” Бөтә Рәсәй конкурсы уҙғарыла. Конкурс шарттарына ярашлы, 30 еңеүсегә махсус кубоктар тапшырыласаҡ. Еңеүселәр иһә 10 номинацияла өсәр кеше билдәләнә:
➢ ”Милләт әсәһе” – уңышлы һәм өлгөлө балалар тәрбиәләгән күп балалы әсәләр араһында – билдәле ғалимдар, етәкселәр, спортсылар, йәмәғәт һәм сәйәси эшмәкәрҙәр; Ватандың ысын илһөйәрҙәрен һәм Рәсәй Геройҙарын тәрбиәләгән әсәләр араһында;
➢ “Лидер” –Донбасс халҡына һәм махсус хәрби операцияла ҡатнышыусыларға гуманитар ярҙам йыйыу буйынса ирекмәндәр хәрәкәтендә әүҙем ҡатнашҡан, йәмәғәт эшендә һәләтле ойоштороусы һәм маҡсатҡа ынтылышлы лидер итеп күрһәткән ҡатын-ҡыҙҙар;
➢ “Мәҙәниәт” – мәҙәниәт һәм сәнғәт өлкәһендә ҙур һөҙөмтәләргә өлгәшкән ҡатын-ҡыҙҙар араһында, уларҙың ижадында милли ҡиммәттәр, илһөйәрлек, Тыуған илгә һөйөү Һәм Рәсәй Федерацияһы халыҡтарының традицияларын һаҡлауға тос өлөш индергән гүзәл заттар;
➢ “Медицина хеҙмәткәре” – коронавирус пандемияһы ваҡытында һәм махсус хәрби операция биләмәһендә фиҙакәр хеҙмәт иткән ҡатын-ҡыҙ табиптар араһында;
➢ “Ғалимә” – ғилми эшмәкәрҙәр, уларҙың тикшеренеү өлкәһе Рәсәй Федерацияһы халыҡтарының туған телдәрен, мәҙәниәтен, фольклорын һәм әҙәбиәтен өйрәнеүгә йүнәлтелгән гүзәл заттар араһында;
➢ “Педагог” – мәғариф өлкәһендә уңыштарға өлгәшкән, уҡыусыларҙы илһөйәрлек рухында әүҙем тәрбиәләгән Рәсәй Федерацияһы халыҡтарының туған телдәр, әҙәбиәт һәм мәҙәниәт уҡытыусылар араһында;
➢ “Бизнес-леди” – неофашизмды еңеүгә үҙ өлөшөн индергән хәйриә һәм йәмәғәт эшмәкәрлеге менән әүҙем шөғөлләнгән эшҡыуар ҡатын-ҡыҙҙар араһында;
➢ “Оҫтабикә” – махсус хәрби операцияла ҡатнашыусыларға ярҙам итеү өсөн үҙ әйберҙәрен хәрби хәрәкәттәр зонаһына ебәрәгән, халыҡ кәсептәрен һәм һөнәрҙәрен пропагандалаусы ҡатын-ҡыҙҙар араһында;
➢ “Көмөш ирекмән” – әүҙем йәмәғәт эшен дауам иткән, махсус хәрби операцияла ҡатнашыусыларға ярҙам иткән һәм халыҡ араһында ихтирам менән файҙаланған 60 йәштән өлкән ҡатын-ҡыҙҙар араһында;
➢ “Йәштәр лидеры” – ҡатын-ҡыҙҙар йәмәғәт хәрәкәтендә һәм махсус хәрби операцияла ҡатнашыусыларға ярҙам итеү буйынса ирекмәнлек эшмәкәрлегендә үҙен лидер итеп күрһәткән гүзәл заттар араһында (35 йәшкә тиклем).
Конкурстың финалы 2024 йылдың 1 мартында үтә.
https://bashgazet.ru/articles/bash-ort-donya-y/2024-02-15/konkurs-k-n-bild-le-buldy-3644707