Һәр саҡ ҡарҙан таҙартып торалар

Урмияҙ ауылында Еңеү паркында Бөйөк Ватан һуғышы яугирҙары иҫтәлегенә ҡуйылған обелискты  мәҙәниәт хеҙмәткәрҙәре һәр саҡ тәртиптә тота.  Йәйгеһен сүп-үләндәрен сабып, ҡышын ҡарҙан таҙартып тора.

“Беҙгә тыныс тормош бүләк иткән яугирҙарыбыҙҙың исеме мәңгеләштерелгән был изге урынды һәр саҡ тәртиптә тоторға тырышабыҙ. Аҙна һайын ҡышын ҡарҙан таҙартып торабыҙ.  Обелиск янына килеп, яҡындарын иҫкә алып, сәскә һалырға теләүселәр ҙә була.  Бына әле хәрби-патриотик айлыҡ планына ярашлы, сираттағы өмә эшләнек", - тине мәҙәниәт хеҙмәткәре Фидания Йосопова.

Наилә Имаева.