Ҡурҡыныс янғын булды

Бөгөн Санкт-Петербургта Wildberries келәте янып китә. Ундағы бар тауар янып юҡҡа сыҡҡан, тип хәбәр итәләр. Яҡынса иҫәпләүҙәр буйынса компания 11 миллиард һум самаһы аҡсаһын юғалтҡан.

Төньяҡ баш ҡалалағы экологтар, табиптар төтөн менән бергә һауаға ағыулы матдәләр таралыуы ихтимал тип иҫкәртә. “Был үҙ сиратында хроник бронхит, быума йүтәл кеүек сирҙәрҙең көсәйеүенә килтереүе бар”, - тип билдәләгән медицина фәндәре докторы Александр Карабиненко.

Янғын барлығы 70 мең квадрат метрҙы ялмап алған. Уттың таралыуы туҡтатылған. Тикшереүселәр янғындың сәбәптәрен асыҡлай.  

Фото:  poslednie-novosti.com