«Йондоҙҙар майҙаны»нан еңеү менән ҡайттылар!

Өфө ҡалаһының 450 йыллығына бағышланған «Йондоҙҙар майҙаны» республика конкурсында асҡындар лайыҡлы сығыш яһап, еңеү менән ҡайтты.

Барыһы бәйгелә  125 бала ҡатнаша. Районыбыҙҙан  - 8 бәйгесе. Уларҙың икеһен  - Асҡын ауылының “Күк сәскә” балалар баҡсаһы музыкаль етәксеһе Раушания Шәрәфетдинова, ә алтыһын Балалар сәнғәт мәктәбе  педагогы  Марина Накарякова әҙерләй.

  Асҡын ауылының “Күк сәскә”  балалар баҡсаһы тәрбиәләнеүселәре Айгинә Ғәләүетдинова һәм Илзирә Ғәйбәтова дуэты (етәкселәре  Раушания Шәрәфетдинова) «Туған тел» йырын башҡортса башҡарып, Гран-при яуланы.

Марина Павловна етәкселегендә Асель Хәйруллина “Ветерок” йырын русса башҡарып,  2-се урынға лайыҡ була.

 Бәйгесе балаларҙы һәм уларҙы әҙерләүсе педагогтарҙы һәм ата-әсәләрҙе ихлас ҡотлайбыҙ һәм артабан да уңыштар теләйбеҙ!

 Наилә Имаева.