Үҙ теләге менән МХО-ға юлланды

Ҡыйғаҙы ауылында  йәшәүсе егетте оҙатырға  яҡындары, туғандары, ауыл биләмәһе башлығы Альбирт Ҡәҙимов, район хакимиәте  вәкилдәре килде.

“Бөтә хеҙмәт һынауҙарын лайыҡлы үтеп, иҫән-һау Еңеү менән әйләнеп ҡайт. Имен тормошҡа ҡайтҡас, барлыҡ пландарың тормошҡа ашһын”, — тип изге теләктәрен еткерҙе оҙатҡанда  район хакимиәте башлығы Динис Рәдис улы Йосопов.  

Ә ҡыйыу яҡташыбыҙҙың теләктәре изге: иҫән–имен йөрөп ҡайтып, өйләнергә һәм йорт төҙөргә!

Беҙ ҙә, үҙ сиратыбыҙҙа, МХО-ға юлланыусы райондашыбыҙға хәйерле, изге, имен юлдар теләйбеҙ! Иҫән-һау әйләнеп ҡайт, ҡыйыу егет!

Иҫегеҙгә төшөрәбеҙ:  Петропавловка ауыл биләмәһенән бөгөн МХО-ла  барыһы  туғыҙ егет илебеҙ именлеген  һаҡлап, хеҙмәт итә.

Наилә Имаева.