Асҡында Журналистар аллеяһы барлыҡҡа килде

 Бөгөн, 1 октябрь — Халыҡ-ара оло йәштәгеләр көнөндә, Асҡын мәғлүмәт үҙәге коллективы  үҙенең ветерандары менән  иҫтәлекле сара ойошторҙо.  Район гәзиттәренең тәүге мөхәррире Кирәй Мәргән  исемендәге урамда  Журналистар аллеяһы  ултыртылды.  Хәҙер бирелә шыршы, нарат,  ҡыҙыл миләш,  муйыл, алма, сейә ағастары үҫәсәк.

 Байрам көнөндә бар ғүмерҙәрен  гәзит сығарыу  эшенә бағышлаған хөрмәтле  ветерандарға  иң изге теләктәр  теләнеп, күстәнәстәр тапшырылды.  Хаҡлы ялдағы хеҙмәттәштәребеҙ  бергә эшләгән йылдарын иҫкә алып, хәтирәләр йомғағын һүтте, йәштәргә  ихлас теләктәрен еткерҙе, тәьҫораттары менән бүлеште.

Наилә Имаева.